Фоден АПЛда сўнгги тўртта ўйинда олти та гол урди
«Манчестер Сити» яримҳимоячиси Фил Фоден Англия Премьер-лигасида сўнгги тўрт учрашувда олтинчи голини урди. АПЛнинг 16-турида инглиз футболчисининг аниқ зарбаси «шаҳарликлар»га «Кристал Пэлас» устидан йирик — 3:0 ҳисобидаги ғалабани тақдим этди.
Фоден 69-дақиқага франциялик яримҳимоячи Райан Шеркининг узатмасидан сўнг рақиб дарвозасини ишғол қилди. Ушбу ўйиндаги яна икки гол «Манчестер Сити» ҳужумчиси Эрлинг Холанд ҳисобига ёзилди.
Аввалроқ Фоден 15-турда «Сандерленд»га қарши баҳсда (3:0) гол урган, 14-турда «Фулхэм» билан ўйинда (5:4) ва 13-турда «Лидс»га қарши учрашувда (3:2) дубл қайд этган эди.
Айни вақтда Фил Фоден АПЛнинг жорий мавсумида 7 та гол билан «Манчестер Сити»нинг иккинчи тўпурави ҳисобланади. Жамоа сафида энг кўп гол муаллифи эса 17 та аниқ зарба билан Эрлинг Холанд бўлиб турибди.
