Дирк Кёйт «Фенербахче»нинг вақтинчалик бош мураббийи этиб тайинланди
Бу ҳақда истанбулликларнинг расмий сайти хабар берди.
Футбол
photo: gettyimages
Нидерландия миллий жамоасининг собиқ футболчиси Дирк Кёйт Туркиянинг «Фенербахче» клубининг вақтинчалик бош мураббийи этиб тайинланди. Бу ҳақда истанбулликларнинг расмий сайти хабар берди.
«Исмоил Картал кетганидан сўнг клубимиз янги бош мураббий топгунига қадар Дирк Кёйтни асосий жамоа учун масъул этиб тайинлади», — дейилади клуб баёнотида.
46 ёшли Кёйт 2026 йил июнь ойида Исмоил Карталнинг мураббийлар штабига қўшилганди. У аввал Нидерландиянинг «Дордрехт», Бельгиянинг «Бейерсхот» клубларида ишлаган.
Дирк футболчилик фаолиятини 2017 йилда якунлаган. У «Фенербахче» сафида футболчи сифатида 2013/2014 йилги мавсумда Туркия чемпиони бўлган. Собиқ ҳужумчи «Ливерпуль» ва «Фейеноорд» жамоаларидаги ўйинлари билан танилган.
