«Динамо» Жиззахдаги ўйиндан кейин ҳакамлик бўйича шикоят киритди
Фото: Динамо ПФК
Суперлига 20-тури доирасидаги “Сўғдиёна” - “Динамо” (1:1) учрашувидан кейин “Динамо” ПФК ўйиндаги ҳакамлик бўйича учрашув расмий қайдномасига шикоятини қайд этди.
“Клуб ўйиндаги бир қатор вазиятлар бўйича ўз эътирозини йўллайди”, - дейилади клуб хабарида.
Маълумот учун, бош ҳакам Илгиз Танташев учрашувнинг 90+6-дақиқасида ВАР аралушувидан сўнг самарқандликлар дарвозаси томон пенальти белгилади. Бу вақтга келиб “Динамо” 1:0 ҳисобида олдинда бораётганди. Белгиланган 11 метрли жарима тўпини Люпчо Дориев аниқ амалга ошириб, ҳисобни тенглаштирди.
Баҳром Бобонов
Редактор
