«Dinamo» Jizzaxdagi o‘yindan keyin hakamlik bo‘yicha shikoyat kiritdi
Фото: Динамо ПФК
Superliga 20-turi doirasidagi “So‘g‘diyona” - “Dinamo” (1:1) uchrashuvidan so‘ng “Dinamo” PFK o‘yindagi hakamlik bo‘yicha uchrashuv rasmiy qaydnomasi orqali shikoyatini bildirdi.
“Klub o‘yindagi bir qator vaziyatlar bo‘yicha o‘z e’tirozini yo‘llaydi”, - deyiladi klub xabarida.
Ma’lumot uchun, bosh hakam Ilgiz Tantashev uchrashuvning 90+6-daqiqasida VAR aralashuvidan so‘ng samarqandliklar darvozasi tomon penalti belgiladi. Bu paytda “Dinamo” 1:0 hisobida oldinda ketayotgan edi. Belgilangan 11 metrlik jarima to‘pini Lyupcho Doriev aniq amalga oshirib, hisobni tenglashtirdi.
Bahrom Bobonov
Redaktor
