\"Бунёдкор\" Суперлигада \"Сурхон Термиз\"ни йирик ҳисобда мағлуб этди
28 март куни соат 20:00 да Ўзбекистон Суперлигаси 3-туридан ўрин олган "Бунёдкор" – "Сурхон Термиз" учрашуви бўлиб ўтди. Ўйин Тошкентдаги "Бунёдкор" стадионида ўтказилди.
Биринчи бўлимда иккита сариқ карточка қайд этилди: 22-дақиқада "Сурхон Термиз" футболчиси Абдуғафур Ҳайдаров ва "Бунёдкор" футболчиси Одилжон Ҳамробеков огоҳлантирилди. Учрашувнинг 43-дақиқасида Луис Касорри Тошкент клуби фойдасига ҳисобни очди — 1:0.
Иккинчи бўлимда Имеда Ашорта 73-дақиқада пенальтидан гол урди ва ҳисобдаги фарқни оширди. 90-дақиқада Луис Касорри "Сурхон Термиз" дарвозасига дубль қайд этди. Қўшимча дақиқаларда Термиз клуби ҳисобни қисқартирди ва 90+10-дақиқада Муҳаммад Абдураҳмонов учрашувни 3:1 ҳисобида якунлади.
"Бунёдкор" айни дамда Суперлигада 2-ўринда бораётган бўлса, "Сурхон Термиз" сўнгги 16-поғонада қолмоқда.
Ўзбекистон Суперлигаси. Учинчи тур
Бунёдкор – Сурхон Термиз – 3:1
Голлар: Касорри 43, 90, Ашорта 73 – Абдураҳмонов 90+10.
