АПЛ. «Ман Сити» ўз майдонида «Борнмут»ни мағлуб этиб, иккинчи ўринга кўтарилди
Англия Премьер-лигасининг 10-туридан ўрин олган баҳсда «Манчестер Сити» ўз майдонида «Борнмут»ни қабул қилиб, 3:1 ҳисобига ғалаба қозонди.
Учрашувда «шаҳарликлар» сафидан Эрлинг Холанд дубль қайд этган бўлса, Нико О'Райли ҳам ўз номини таблога ёздириб қўйди. Меҳмонлар сафида эса Тейлер Адамс жамоасининг ягона жавоб тўпини киритди.
Шу тариқа, «Манчестер Сити» ушбу ғалабадан сўнг ўз очколари ҳисобини 19 тага етказиб, турнир жадвалида иккинчи ўринга кўтарилиб олди. «Борнмут» эса 18 очко билан 4-ўринда бормоқда.
АПЛ. 10-тур
«Ман Сити» — «Борнмут» 3:1
Голлар: Холанд (17, 33), О'Райли (60) — Адамс (25).
Манчестер Сити — Доннарумма, Нунеш, Диаш, Гвардиол, О'Райли, Нико, Силва (Родри, 90), Фоден (Айт-Нури, 90), Шерки (Рейндэрс, 73), Доку (Савинио, 73), Холанд (Мармуш, 82).
Борнмут — Петрович, Хименес (Кук, 62), Сенеси, Диаките, Труффер, Адамс (Доак, 80), Скотт (Кристи, 73), Брукс (Клюйверт, 62), Таверние, Семеньо, Крупи (Эванилсон, 62).
