Анчелотти Марокаш билан ўйини олдидан фикр билдирди
Ўйин 14 июнь куни АҚШдаги «Метлайф» стадионида бўлиб ўтади.
ФОТО: Getty images
Бразилия терма жамоаси бош мураббийи Карло Анчелотти 2026 йилги жаҳон чемпионатида миллий жамоанинг Марокашга қарши дастлабки ўйини арафасида фикр билдирди.
Учрашув якшанба, 14 июнь куни АҚШдаги «Метлайф» стадионида бўлиб ўтади.
«Марокаш — кўпчилик гуруҳ босқичидаги асосий рақибимиз деб биладиган жамоа. Биз учун бу ўйин биринчи ўрин учун курашда ҳал қилувчи аҳамиятга эга бўлиши мумкин, чунки гуруҳдаги пешқадамлик плей-офф босқичида енгилроқ сетка ва осонроқ йўлга эга бўлиш имконини беради», — дея Анчелоттининг сўзларини келтиради AlmarssadPro ўзининг X ижтимоий тармоғида.
Бразилия ва Марокаш C гуруҳидан ўрин олган, у ерда шунингдек Гаити ва Шотландия ҳам иштирок этади.
