Zidan: Agar Krishtianu Ronaldu o‘nta aniq imkoniyatga ega bo‘lib, ularni golga aylantira olmaganida, keyin uni ayblash mumkin
Zayniddin Zidan Portugaliya o‘yini haqidafikr bildirdi:
"Portugaliya haqida ko‘p gapirmoqchi emasman, lekin bir narsa juda aniq: muammo Krishtianu Ronalduning 90 daqiqa maydonda bo‘lishi yoki uning yoshida emas. Bundan ham kattaroq muammolar bor. Men ko‘rganim — iqtidorli futbolchilarga boy, ammo mamlakati uchun yetarlicha jon kuydirmayotgan jamoa bo‘ldi. Ularning ko‘pchiligi milliy jamoa futbolchisidek emas, klub futbolchisidek harakat qilmoqda.
Bu turnirdagi eng kuchli jamoalarga qarang. Ular bir-biri uchun kurashadi, birga azob chekadi va yetakchisi uchun hamma narsani qiladi. Portugaliyada esa men bunday ishtiyoqni ko‘rmadim.
Ko‘pchilik ularning yarim himoyasi turnirdagi eng yaxshilaridan biri deb aytmoqda, chunki bu futbolchilar klublarida yuqori saviyada o‘ynaydi. Ammo futbol — bu jamoa bo‘lib nima qila olishing bilan o‘lchanadi. Kongo DRga qarshi bahsda ular faqat o‘zaro pas almashdi, ammo haqiqiy xavfli vaziyatlar yarata olmadi.
Agar Krishtianu Ronaldu o‘nta aniq imkoniyatga ega bo‘lib, ularni golga aylantira olmaganida, unda uni ayblash mumkin edi. Ammo na u, na boshqa hujumchilar yetarlicha to‘p bilan ta’minlanmasa, demak muammo boshqa joyda",-dedi mutaxassis.
