Зидан: Агар Криштиану Роналду ўнта аниқ имкониятга эга бўлиб, уларни голга айлантира олмаганида, кейин уни айблаш мумкин
Зайниддин Зидан Португалия ўйини ҳақида фикр билдирди:
"Португалия ҳақида кўп гапирмоқчи эмасман, лекин бир нарса жуда аниқ: муаммо Криштиану Роналдунинг 90 дақиқа майдонда бўлиши ёки унинг ёшида эмас. Бундан ҳам каттароқ муаммолар бор. Мен кўрганим — иқтидорли футболчиларга бой, аммо мамлакат учун етарлича жон куйдирмаётган жамоа бўлди. Уларинг кўпчилиги миллий жамоа футболчисидек эмас, клуб футболчисидек ҳаракат қилмоқда.
Бу турнирдаги энг кучли жамоаларга қаранг. Улар бир-бири учун курашади, бирга азоб чекади ва етакчиси учун ҳамма нарсани қилади. Португалияда эса мен бундай иштиёқни кўрмадим.
Кўпчилик уларнинг ярим ҳимояси турнирдаги энг яхшиларидан бири деб айтаяпти, чунки бу футболчилар клубларида юқори савияда ўйнайди. Аммо футбол — бу жамоа бўлиб нима қила олишинг билан ўлчанади. Конго ДРга қарши баҳсда улар фақат ўзаро пас алмашди, аммо ҳақиқий хавфли вазиятлар ярата олмади.
Агар Криштиану Роналду ўнта аниқ имкониятга эга бўлиб, уларни голга айлантира олмаганида, унда уни айблаш мумкин эди. Аммо на у, на бошқа ҳужумчилар етарлича тўп билан таъминланмаса, демак, муаммо бошқа жойда", — деди мутахассис.
