Yurgen Kloppning vakili mutaxassisning “Roma”ga tayinlanishi haqidagi xabarlarga izoh berdi

Futbol 20 may 2025 da 08:49

Nasrullo Karimov

Jurnalist

“Liverpul” klubi sobiq bosh murabbiyi Yurgen Kloppning vakili Mark Kosike germaniyalik mutaxassisning “Roma” boshqaruviga tayinlanishi haqidagi mish-mishlarga izoh berdi.

Eslatib o'tamiz, avvalroq OAV'da mutaxassis 18-may kuni rimliklarning taklifni qabul qilgani haqida xabarlar tarqalgandi.

“Klopp “Roma”ning yangi bosh murabbiyi bo'lishi haqidagi xabarlar haqiqatga to'g'ri kelmaydi”, - deya Kosikening so'zlarini keltiradi Fabritsio Romano.

Eslatib o'tamiz, Yurgen Klopp murabbiy sifatida ishlagan so'nggi klubi “Liverpul” bo'lib, mersisaydliklarni 2015-yildan 2024-yilgacha boshqargan edi. Mutaxassis 2025-yilning 1-yanvaridan buyon Red Bull'da global yetakchi lavozimida faoliyat yuritmoqda.