Юрген Клоппнинг вакили мутахассиснинг “Рома”га тайинланиши ҳақидаги хабарларга изоҳ берди
ФОТО: Getty Images
“Ливерпул” клуби собиқ бош мураббийи Юрген Клоппнинг вакили Марк Косике германиялик мутахассиснинг “Рома” бошқарувига тайинланиши ҳақидаги миш-мишларга изоҳ берди.
Эслатиб ўтамиз, аввалроқ ОАВда мутахассис 18-май куни римликларнинг таклифини қабул қилгани ҳақида хабарлар тарқалганди.
“Клопп “Рома”нинг янги бош мураббийи бўлиши ҳақидаги хабарлар ҳақиқатга тўғри келмайди”, – дея Косикенинг сўзларини келтиради Фабрицио Романо.
Эслатиб ўтамиз, Юрген Клопп мураббий сифатида ишлаган сўнгги клуби “Ливерпул” бўлиб, мерсисайдликларни 2015-йилдан 2024-йилгача бошқарган эди. Мутахассис 2025-йилнинг 1-январидан буён Red Bull'да глобал етакчи лавозимида фаолият юритмоқда.
Насрулло Каримов
Журналист
