Yurgen Klopp “Roma”ni boshqarishga rozi bo'ldi - La Stampa
FOTO: Getty Images
“Liverpul” klubi sobiq bosh murabbiyi Yurgen Klopp “Roma” bosh murabbiyi lavozimini egallashga qaror qildi. Bu haqda La Stampa nashri xabar bermoqda.
Manbaga ko'ra, germaniyalik mutaxassis 18-may kuni “Roma” yuborgan taklifni qabul qilgan.
Mavsum tugashiga bir tur qolganida Klaudio Ranyeri boshchiligidagi “Roma” A Seriya turnir jadvalida 6-o'rinda bormoqda. Mavsum yakunlangach, Ranyeri rimliklar bosh murabbiyi lavozimini tark etadi.
Eslatib o'tamiz, Yurgen Kloppni so'nggi ish joyi “Liverpul” edi. Murabbiy 2015-yildan 2024-yilgacha mersisaydliklarni boshqargan. 2025-yilning 1-yanvaridan buyon Red Bull'da global yetakchi lavozimida faoliyat yuritmoqda.
Nasrullo Karimov
Jurnalist
