Юрген Клопп “Рома”ни бошқаришга рози бўлди - La Stampa
ФОТО: Getty Images
“Ливерпуль” клуби собиқ бош мураббийи Юрген Клопп “Рома” бош мураббийи лавозимини эгаллашга қарор қилди. Бу ҳақда La Stampa нашри хабар бермоқда.
Манбага кўра, германик мутахассис 18-май куни “Рома” юборган таклифни қабул қилган.
Мавсум тугашига бир тур қолганида Клаудио Раньери бошчилигидаги “Рома” А Серия турнир жадвалида 6-ўринда бормоқда. Мавсум якунлангач, Раньери римликлар бош мураббийи лавозимини тарк этади.
Эслатиб ўтамиз, Юрген Клоппнинг сўнгги иш жойи “Ливерпуль” эди. Мураббий 2015-йилдан 2024-йилгача мерсисайдликларни бошқарган. 2025-йилнинг 1-январидан буён Red Bull'да глобал етакчи лавозимида фаолият юритмоқда.
Насрулло Каримов
Журналист
