Yildiz maoshi oshirilmasa jamoani tark etmoqchi
Futbolchining o‘zi ham Turin klubida qolsa, maoshi oshirilishini istaydi.
ФОТО: Getty images
“Yuventus” hujumchisi Kenan Yildizga bir nechta top-klublar qiziqish bildirmoqda.
La Gazzetta dello Sport xabariga ko‘ra, "Yuventus" vingeri xizmatiga "Chelsi", "Arsenal" va "Barselona" klublari qiziqmoqda.
Yozda “Chelsi” klubi Kenan bo‘yicha 67 million yevrolik taklif bilan chiqqan. Biroq Turin klubi bu taklifni rad etgan edi.
Futbolchining o‘zi ham Turin klubida qolsa, maoshi oshirilishini istaydi. Hozirda u yiliga 1,7 million yevro maosh oladi. Turk futbolchisi taxminan 6 million olishni istamoqda. Agar klub maoshini ko‘tarmasa, u jamoasini almashtirmoqchi.
Turkiyalik futbolchi joriy mavsum A Seriyada 6 ta o‘yinda maydonga tushib, 1 ta gol va 3 ta golli uzatma muallifligiga erishdi.
Roziqjon Sultonmurodov
Jurnalist
