UzPFL «Neftchi» klubini ogohlantirdi
Bu haqida PFL matbuot xizmati xabar berdi.
ФОТО: Getty images
O‘zbekiston futbol assotsiatsiyasi qoshidagi Futbolchilar maqomi va o‘tishi bo‘yicha qo‘mitaning sentyabr oyi oxiridagi yig‘ilishida “Neftchi” klubining futbolchi Sardor Abdurahimov hamda darvozabonlar murabbiyi Denis Ivankov oldidagi qarzdorliklari mavjudligi tasdiqlandi.
Unga ko‘ra, farg‘onaliklar Abdurahimov oldidagi qarzdorlikni joriy yilning 10 oktyabr sanasiga qadar, Ivankovga to‘lanmay qolgan ish haqini esa joriy yilning 6 oktyabr kunigacha to‘lab berishi belgilangan.
“Klub tomonidan ushbu qarzdorlik o‘z vaqtida bartaraf etilmasa, unga nisbatan moliyaviy jarimalarga qo‘shimcha ravishda og‘irroq sport sanksiyalari qo‘llanilishi yuzasidan ogohlantirildi”, deyiladi UzPFL bayonotida.
Roziqjon Sultonmurodov
Jurnalist
