«U tarixdagi eng zo‘ri». Xulian Alvares — Messining dubliga munosabati
Argentina terma jamoasi hujumchisi Xulian Alvares JCH-2026 guruh bosqichining 2-turida Avstriya ustidan qozonilgan g‘alabadan (2:0) so‘ng dubl muallifi, jamoa sardori Lionel Messining o‘yini haqida fikr bildirdi.
“Ta’sirli. Rostini aytsam, siz aytganingizdek, qo‘shimcha qilishga so‘z yo‘q. Biz buni har kuni ko‘ramiz, u shu yillar davomida o‘zining sehri va iqtidorini namoyish etib kelmoqda. U tarixdagi eng zo‘ri va biz har doim undan zavqlanishga harakat qilamiz”, — deya Alvaresning so‘zlarini keltiradi Mundo Deportivo.
Alvaresning o‘zi 64-daqiqada Lautaro Martines o‘rniga zaxiradan maydonga tushdi. Turnir davomida “Atletiko” hujumchisi klub mavsumi yakunida olgan jarohati sababli o‘yinlarni zaxirada boshlayotgandi.
Argentina ikki uchrashuvdan so‘ng olti ochko jamg‘ardi va J guruhida birinchi o‘rin bilan muddatidan oldin pley-offga yo‘l oldi. Argentinaliklar navbatdagi o‘yinini 28 iyun kuni Iordaniya jamoasiga qarshi o‘tkazadi.
