Messi: «Jamoadoshlarim bilan birga muvaffaqiyatni nishonlash imkoniyatini sabrsizlik bilan kutyapman»
Argentina terma jamoasi hujumchisi Lionel Messi Avstriyaga qarshi (2:0) kechgan uchrashuv haqidagi taassurotlari bilan o‘rtoqlashdi.
«Avvalo, men bu g‘alabadan juda xursandman. U o‘ta muhim edi va og‘ir, qizg‘in kurashda qo‘lga kiritildi. Endi kelajakka xotirjamroq qarashimiz mumkin.
Bu jahon chempionatida barcha o‘yinlar teng, keskin kurashlar ostida o‘tmoqda. Men bu lahzadan zavqlanyapman va jamoadoshlarim bilan birga muvaffaqiyatni nishonlash imkoniyatini sabrsizlik bilan kutyapman», — deya Messining so‘zlarini keltiradi Argentina terma jamoasining X ijtimoiy tarmog‘idagi rasmiy akkaunti.
2-turdan so‘ng Argentina terma jamoasi olti ochko jamg‘arib, J guruhi turnir jadvalida peshqadamlik qilmoqda. Avstriya milliy terma jamoasi uch ochko jamg‘arib, ikkinchi pog‘onada joylashgan.
