Toni Kroos: PSJ Realga qaraganda samaraliroq bo'lishi mumkin
Bavariya va Real sobiq futbolchisi Toni Kroos Bavariya hamda PSJ jamoalari o'rtasidagi bahs haqida fikr bildirdi.
"Menimcha Bavariya Realga qarshi o'yindagidan ko'ra biroz yaxshiroq himoyalanishi kerak bo'ladi. Parij Realga qaraganda samaraliroq bo'lishi mumkin.
Bavariya ikkalasa bahsda ham tavakkalchilik bilan himoyalandi. Real esa javob o'yinida bundan ham ko'proq gol bilan jazolashi mumkin edi.
Agar myunxenliklar ba'zi bir narsalarni o'zgartira olsalar ularda yaxshi imkoniyat bor.
Menimcha jamoalarning kuchi 50/50. PSJ amaldagi chempion. Bugungi kunda PSJ va Bavariya dunyodagi eng yaxshi jamoalar",-dedi germaniyalik sobiq futbolchi.
Ma’lumot o‘rnida, 28 apreldan 29 aprelga o‘tar kechasi soat PSJ o‘z maydonida Bavariyani qabul qiladi. Bellashuv soat 00:00 da start oladi.
