Ter Shtegen “Barselona” rahbariyatidan hafa bo'ldi
Kataloniyaning “Barselona” klubi darvozaboni Mark-Andre ter Shtegen OAV'da “ko'k-anorranglilar” uning jamoani tark etishini xohlayotgani haqidagi xabarlardan norozi bo'ldi. Bu haqda Sport.es nashri xabar bermoqda.
Manbaga ko'ra, germaniyalik posbon bu ma'lumotlar “Barselona” tashabbusi bilan paydo bo'lgan deb hisoblamoqda. Shu sabab ter Shtegen ispan grandining ushbu xatti-harakatlaridan ranjigan.
Qayd etilishicha, 33 yoshli golkiper “Barselona”ni tark etmoqchi emas. U jarohatidan to'liq forig' bo'lganini his qilmoqda asosiy tarkibdan joy olish uchun kurashishga tayyor.
Eslatib o'tamiz, avvalroq kataloniyaliklar ter Shtegenning jarohatidan tuzalganidan keyin o'zini tutishi sabab u bilan xayrlashmoqchi ekanligi haqida xabarlar tarqalgandi.
Jumladan, nemis darvozaboni Chempionlar Ligasi yarim finalida “Inter”ga (4:3) qarshi o'yin uchun qaydnomaga kiritilmagani tufayli jamoa bilan Milanga uchishdan bosh tortgan.
