Superliga. OKMK - “So'g'diyona” uchrashuvi uchun PREVYU
Bugun O'zbekiston Superligasining 6-turidan o'rin olgan bahsda OKMK o'z maydonida “So'g'diyona”ni qabul qiladi.
OKMK Superliganing 5-turidan so'ng 12 ochko jamg'argan holda turnir jadvalida 2-o'rinda bormoqda. “So'g'diyona” esa 4 ochko bilan 14-o'rinni egallab turibdi.
Hozirga qadar jamoalar o'zaro 32 bor to'qnash kelgan. Ularning 13 tasida olmaliqliklar g'alaba qozongan bo'lsa, 10 tasida jizzaxliklarning qo'li baland kelgan. 9 ta uchrashuv durang bilan yakunlangan.
To'plar nisbati esa 53:43, OKMK foydasiga.
Tomonlar o'rtasidagi so'nggi beshta o'yinning to'rttasida OKMK g'alaba qozongan, bitta bahsda esa durang natija qayd etilgan.
Eslatib o'tamiz, OKMK - “So'g'diyona” o'rtasidagi bellashuv bugun, 20-aprel kuni Toshkent vaqti bilan soat 18:00 da start oladi.
