Slot — «Milan» bosh murabbiyi (Tavolieri)
"Liverpul"ning sobiq ustozi Arne Slot "Milan" bosh murabbiyligi uchun asosiy nomzod sifatida ko'rib chiqilmoqda. "Rossonerilar" murabbiy bilan kelishuv borasida muzokaralar olib bormoqda.
Shuningdek, "Milan" "Barselona"ning sobiq funksioneri Ramon Planesni sport direktori lavozimiga taklif qilish ustida ish olib bormoqda. Kataloniyalik mutaxassis 2024 yildan buyon "Al-Ittihod"da aynan shu lavozimda faoliyat yuritmoqda.
Eslatib o'tamiz, shanba kuni "Liverpul" Slotning ishdan bo'shatilganini e'lon qilgandi. Niderlandiyalik mutaxassisning shartnomasi yana bir yilga mo'ljallangan edi. Biroq, mavsum yakunlari sarhisob qilingach, klub rahbariyati hamkorlikni to'xtatishga qaror qildi.
"Milan" avvalroq bosh murabbiy Massimiliano Allegrini ishdan bo'shatgan edi. Shuningdek, "rossonerilar" bosh direktor Jorjo Furlani, sport direktori Igli Tare va texnik direktor Jeffri Moncada bilan ham xayrlashdi.
