Shomurodov kelajagi borasida bir qarorga keldi

Futbol 27 iyn 2025 da 07:20

Nasrullo Karimov

Журналист

O'zbekiston milliy terma jamoasi va “Roma” klubi hujumchisi Eldor Shomurodov kelajagi borasida bir qarorga keldi. Bu haqda Gazzette nashri xabar bermoqda.

Manbaga ko'ra, hamyurtimiz faoliyatini A Seriyada davom ettirishga qaror qilgan. Eldor “Kremoneze”ning taklifini qabul qilgan.

Qayd etilishicha, A Seriyaga qaytgan jamoa Shomurodovning transferi uchun 8 million yevro to'lashga tayyor.

Eslatib o'tamiz, futbolchimizga “Kremoneze”dan tashqari Turkiyaning “Istanbul Bashakshehir” va Fransiyaning “Renn” klublari ham qiziqish bildirgandi.

Ma'lumot uchun, Shomurodov o'tgan mavsum “Roma” safida jami 37 ta o'yinda maydonga tushib, 7 ta gol urdi va 5 ta golli uzatmani amalga oshirdi. Uning Transfermarkt'dagi narxi 5 million yevroga baholanmoqda.

Aloqador jamoalar va ligalar

Cremonese

Italiya A seriyasi