Scaloni JCh-2026dagi tanaffuslar haqida gapirdi
Argentina terma jamoasi bosh murabbiyi Lionel Skaloni 2026 yilgi jahon chempionatida joriy etilgan sovib olish uchun tanaffuslar haqida o‘z fikrini bildirdi.
«O‘yin doimo to‘xtab turadi. Bu, ehtimol, nazariy jihatdan kuchsizroq bo‘lgan jamoaga ustunlik beradi. Ularda tiklanish uchun, ilgari bo‘lmagan narsaga tayyorgarlik ko‘rish uchun ko‘proq vaqt paydo bo‘ladi… Garchi, balki bu hujum qilayotganlar uchun ham foydalidir, chunki xatolarni tuzatishga vaqt beradi.
Tanaffuslar bilan o‘yin yanada uzuk-uzuk bo‘lib qoladi, g‘alati ko‘rinadi. Bu to‘rtta taym deyarli haqiqatga o‘xshamaydi. Lekin bor narsa shu. Tanaffusda qilinadigan ishlarni ushbu to‘xtalishlar paytida ham qilish mumkin. Biz uchun bu hali ham noodatiy», — deya Skalonidan iqtibos keltiradi ESPN.
