Ronaldu 950-goli haqida: «Yanada ko‘prog‘ini xohlayman»

Saudiya Arabistoni Pro-ligasi

25.10.2025, Yak.

Al Hazem

0

Al Nassr

2

«An Nasr» hujumchisi Krishtianu Ronaldu Saudiya Pro-ligasi 6-turida «Al Hazm»ga (2:0) qarshi oʻyindan keyin oʻz hissiyotlari bilan oʻrtoqlashdi. Ushbu bahsda 40 yoshli portugaliyalik yulduz professional faoliyatidagi 950-golini urdi.

«Jamoaga gʻalaba qozonishda yordam bera olganimdan va 950-golni urganimdan xursandman. Har doim yanada koʻprogʻini xohlayman!», — deb yozdi Ronaldu ijtimoiy tarmoqda.

Maʼlumot uchun, Ronaldu klublar miqyosida 808 ta, Portugaliya milliy jamoasi safida esa 142 ta golga mualliflik qilgan.

Krishtianu joriy mavsum Saudiya Pro-ligasida 6 ta oʻyinda maydonga tushib, 6 ta gol urishga muvaffaq boʻldi. Uning «An Nasr» bilan tuzgan amaldagi shartnomasi 2027 yilning yoziga qadar amal qiladi.

Nasrullo Karimov

Jurnalist