Роналду 950-гол ҳақида: «Янада кўпроғини хоҳлайман»

Саудия Арабистони Про-лигаси

25.10.2025, Як.

Al Hazem

0

Аль-Наср Эр-Рияд

2

«Ан Наср» ҳужумчиси Криштиану Роналду Саудия Про-лигаси 6-турида «Ал Ҳазм»га (2:0) қарши ўйиндан кейин ўз ҳиссиётлари билан ўртоқлашди. Ушбу баҳсда 40 ёшли португалиялик юлдуз профессионал фаолиятидаги 950-голини урди.

«Жамоага ғалаба қозонишда ёрдам бера олганимдан ва 950-голни урганимдан хурсандман. Ҳар доим янада кўпроғини хоҳлайман!», — деб ёзди Роналду ижтимоий тармоқда.

Маълумот учун, Роналду клублар миқёсида 808 та, Португалия миллий жамоаси сафида эса 142 та голга муаллифлик қилган.

Криштиану жорий мавсум Саудия Про-лигасида 6 та ўйинда майдонга тушиб, 6 та гол уришга муваффақ бўлди. Унинг «Ан Наср» билан тузган амалдаги шартномаси 2027 йилнинг ёзига қадар амал қилади.

Насрулло Каримов

Журналист