Rasmiy: Luka Modrich – «Milan» futbolchisi
Photo: Getty Images
Italiyaning «Milan» jamoasi yarim himoyachi Luka Modrichning transferini e'lon qildi.
Manbaga ko'ra, futbolchi “rossonerilar” bilan bir yillik shartnoma imzoladi. Tomonlar kelishuv muddatini yana bir mavsumga uzaytirish imkoniga ega.
U “Milan” safida 14-raqam ostida to'p suradigan bo'ldi.
Eslatib o'tamiz, Modrich 13 yil davomida "Real Madrid" tarkibida o'ynadi va u yerda 597 ta o'yinda 49 ta gol urdi hamda 95 ta golli uzatmani amalga oshirdi. Jamoa bilan birga xorvatiyalik futbolchi 27 ta sovrinni qo'lga kiritgan.
Bahrom Bobonov
Redaktor
