Rasmiy. «An-Nasr» Kingsley Comanning transferini e'lon qildi
Photo: Al-Nasr
Saudiya Arabistonining "An-Nasr" klubi 29 yoshli hujumkor yarim himoyachi Kingsley Coman transferi haqida rasmiy e'lon berdi.
Avvalroq "Bavariya" futbolchini bonuslar bilan birga 35 million yevro evaziga sotishga kelishib olgani ma'lum bo'lgan edi.
Coman 2028 yilgacha mo'ljallangan shartnomaga imzo chekdi. Uning mavsumlik maoshi 20–25 million yevroni tashkil qiladi.
Ma'lumot uchun, fransiyalik hujumchi Bundesliganing grand jamoasi safida 339 ta o'yinda maydonga tushib, 72 ta gol urgan va 71 ta golli uzatmani amalga oshirgan.
Bahrom Bobonov
Redaktor
