Rasman: Jorje Jezush «An-Nasr»ni tark etdi
Jezush chempionlikdan so‘ng jamoani tark etishini ma’lum qilgandi.
ФОТО: Getty images
Portugaliyalik hujumchi Krishtianu Ronaldu to‘p suradigan «An-Nasr» klubi bosh murabbiy Jorje Jezushning ketishini e’lon qildi.
«U chaqiruv bilan keldi... va bizni chempion sifatida tark etmoqda. Rahmat, Jezush, «An-Nasr» klubi uchun qilgan barcha ishlaring uchun... Sen doim «An-Nasr» muxlislarini sevadigan va ular tomonidan seviladigan inson bo‘lib qolasan», — deyiladi klubning X ijtimoiy tarmog‘idagi rasmiy sahifasida.
Avvalroq Jezush chempionlikdan so‘ng jamoani tark etishini ma’lum qilgandi. «An-Nasr» 86 ochko to‘plab, Saudiya Arabistoni chempionati turnir jadvalida birinchi o‘rinni egalladi. Ta’kidlash joizki, jamoa hujumchisi va sardori Krishtianu Ronaldu ilk bor Saudiya Arabistoni chempioni bo‘ldi.
Roziqjon Sultonmurodov
Jurnalist
