Расман: Жорже Жезуш «Ан-Наср»ни тарк этди
Жезуш чемпионликдан сўнг жамоани тарк этишини маълум қилганди.
ФОТО: Getty images
Португалиялик ҳужумчи Криштиану Роналду тўп сурадиган «Ан-Наср» клуби бош мураббийи Жорже Жезушнинг кетиши эълон қилинди.
«У чақирув билан келди... ва бизни чемпион сифатида тарк этмоқда. Раҳмат, Жезуш, «Ан-Наср» клуби учун қилган барча ишларинг учун... Сен доим «Ан-Наср» мухлисларини севадиган ва улар томонидан севиладиган инсон бўлиб қоласан», — дейилади клубнинг X ижтимоий тармоғидаги расмий саҳифасида.
Аввалроқ Жезуш чемпионликдан сўнг жамоани тарк этишини маълум қилганди. «Ан-Наср» 86 очко тўплаб, Саудия Арабистони чемпионати турнир жадвалида биринчи ўринни эгаллади. Таъкидлаш жоизки, жамоа ҳужумчиси ва сардори Криштиану Роналду илк бор Саудия Арабистони чемпиони бўлди.
Розикжон Султонмуродов
Журналист
