Rasman: «Fiorentina» Stefano Piolini isteʼfoga chiqardi
Tomonlar oʻrtasida tuzilgan amaldagi kelishuv 2027 yilga qadar moʻljallangandi.
FOTO: Getty Images
Italiyaning «Fiorentina» klubi matbuot xizmati bosh murabbiy Stefano Pioli isteʼfoga chiqarilganini rasman eʼlon qildi. Bu haqda klubning rasmiy saytida xabar berildi.
«Stefano Pioli endi «Fiorentina» bosh murabbiyi emas. Bugun u iste'foga chiqarildi. Klub Pioli va uning murabbiylar shtabiga faoliyat davomida koʻrsatgan professionalligi uchun minnatdorlik bildiradi», — deyiladi klub bayonotida.
Eslatib oʻtamiz, Pioli 2025 yilning iyul oyidan buyon «Fiorentina»ni boshqarib kelayotgandi. Tomonlar oʻrtasida tuzilgan amaldagi kelishuv 2027 yilga qadar moʻljallangandi.
Ammo jamoa mavsumni muvaffaqiyatsiz boshladi. «Fiorentina» hozirda A Seriya turnir jadvalida 4 ochko bilan soʻnggi, ya'ni 20-o‘rinni egallab turibdi.
Nasrullo Karimov
Jurnalist