Rasman! Aleksandr Xomyakov iste'foga chiqarildi
FOTO: UZPFL
“Andijon” klubi bosh murabbiyi Aleksandr Xomyakov iste'foga chiqarildi. Bu haqda “burgutlar” matbuot xizmati xabar berdi.
“Andijon” jamoasining oxirgi o'yinlardagi muvaffaqiyatsiz natijalaridan so'ng bosh murabbiy lavozimida ishlab kelgan Aleksandr Xomyakov iste'foga chiqdi.
Yangi bosh murabbiy tayinlangunga qadar jamoamizni vaqtincha Artyom Petrosyan boshqarib turadi.
Aleksandr Andreevichga jamoamizda olib borgan faoliyati uchun minnatdorchilik bildiramiz”, - deyiladi klub xabarida.
Eslatib o'tamiz, Aleksandr Xomyakov 2022-yilning dekabr oyidan buyon “Andijon”ni boshqarib kelayotgan edi. Klub hozirda Superliga turnir jadvalida 9 ochko bilan 11-o'rinda bormoqda.
Nasrullo Karimov
Jurnalist
