«Qo‘qon-1912» ilk transferini e'lon qildi

Katta maqsadlarni ko‘zlagan "Qo‘qon-1912" jamoasi yangi mavsum oldidan ilk transferini amalga oshirdi.

So‘nggi uch mavsumni "Neftchi"da o‘tkazgan, o‘tgan mavsumda O‘zbekiston chempionligini qo‘lga kiritgan tajribali yarim himoyachi G‘ulomhaydar G‘ulomov qo‘qonliklar bilan bir yillik shartnoma imzoladi.

G‘ulomhaydar G‘ulomov "Neftchi"dan tashqari "Lokomotiv", OKMK, "Sho‘rtan", "Mash’al", "Qizilqum" va "Bunyodkor" kabi jamoalarda ham to‘p surgan.

"Mahoratli yarim himoyachiga yangi mavsumda omad tilaymiz va jamoamiz bilan yuqori natijalarga erishishini xohlaymiz", — deyiladi klub xabarida.

Roziqjon Sultonmurodov

Jurnalist