Prev'yu. «Neftchi» - OKMK
Superliganing 25-tur bellashuvida "Neftchi" turnir jadvalida 40 ochko bilan oltinchi o‘rinni egallab kelayotgan OKMK klubini qabul qiladi.
O‘zaro o‘yinlar statistikasi diqqat markazida. "Neftchi" jamosi OKMK klubi bilan milliy chempionat doirasida jami 31 marta to‘qnashgan bo‘lib, mazkur bellashuvlarning 14 tasida "Neftchi" ustunlik qilgan. 9 ta o‘yinda jamoalar durangga rozi bo‘lishgan va 8 ta uchrashuvda OKMK g‘alaba qozongan. Umumiy to‘plar nisbati — 53:41, farg‘onaliklar foydasiga.
O‘zaro o‘yinlarda "Neftchi"ning eng yirik g‘alabasi 4:0 hisobida qayd etilgan bo‘lsa, OKMKda bu ko‘rsatkich 3:0 hisobida qayd etilgan.
Farg‘onada bo‘lib o‘tgan so‘nggi 5 uchrashuv natijalari quyidagicha:
26.05.2024. "Neftchi" – OKMK 1:0
31.03.2023. "Neftchi" – OKMK 2:2
02.11.2022. "Neftchi" – OKMK 1:3
31.10.2018. "Neftchi" – OKMK 1:1
05.04.2018. "Neftchi" – OKMK 1:3
Eslatib o‘tamiz, Superliganing 25-tur doirasida bo‘lib o‘tadigan "Neftchi" – OKMK" uchrashuvini Doston Rahmonov bosh hakam sifatida boshqarib boradi. Bellashuv soat 18:15 da start oladi.
