Patrik Vieyra \"Jenoa\" bilan shartnomasini uzaytirdi
"Jenoa" bosh murabbiyi Patrik Vieyra bilan shartnoma uzaytirilgani rasman e’lon qilindi.
Manbaga ko‘ra, 48 yoshli fransiyalik mutaxassis jamoa bilan 2027-yil 30-iyungacha mo‘ljallangan yangi bitimni imzoladi.
"O‘tgan yil noyabr oyida Genuyaga kelganimdan beri juda shiddatli davr bo‘ldi. Biz "Jenoa"ni A Seriyada saqlab qoldik va mavsumni faxr bilan yakunladik. Chunki klub bunga loyiq.
Men Genuyada juda baxtliman. Munosabatlarimizni kengaytirish eng tabiiy qadam bo‘ldi. Endi dam olish vaqti keldi, lekin biz keyingi mavsum boshlanishiga tayyorgarlik ko‘rish uchun yanada ko‘proq harakat qilamiz", – dedi Vieyra klubning rasmiy saytiga bergan intervyusida.
Eslatib o‘tamiz, Vieyra "Jenoa" klubini 2024-yil noyabr oyi oxirida qabul qilib olgan edi. Uning qo‘l ostida jamoa o‘tgan mavsum A Seriyada 13-o‘rinni egalladi.
