O‘zbekiston terma jamoasi yetakchisi Yevropa klubini tark etadi
O‘zbekiston terma jamoasining markaziy himoyachisi Rustam Ashurmatov joriy yozda Qozonning “Rubin” klubini tark etishi mumkin. Bu haqda “Asia-Sport” nashri xabar berdi.
Manbaga ko‘ra, 28 yoshli futbolchiga Farg‘onaning “Neftchi” jamoasi qiziqish bildirgan. Ammo muzokaralar faqat terma jamoamizning Jahon chempionati–2026 saralash uchrashuvlaridan so‘ng boshlanishi kutilmoqda.
Jurnalist Ivan Karpovning ta’kidlashicha, “Rubin” allaqachon yangi, yuqori saviyadagi markaziy himoyachi izlashni boshlagan. U Ashurmatovni “unchalik ko‘zga ko‘rinmagan” futbolchi sifatida tavsiflagan. Biroq muxlislar va mutaxassislar bu bahoga qo‘shilmay, futbolchi maydonga tushmagan holatlarda ham o‘z salohiyatini ko‘rsata olmasligi mumkinligini ta’kidlashmoqda.
Ma’lumot uchun, Ashurmatov joriy saralash bosqichida O‘zbekiston termasi tarkibida 11 o‘yinda maydonga tushib, bir bor gol muallifi bo‘lgan. Umumiy hisobda milliy jamoa safida 41 uchrashuvda ishtirok etgan.