O'zbekiston Kubogi. \"Dinamo\" Birinchi liga jamoasini mag'lub etdi
O'zbekiston Kubogi 1-turida “Dinamo” Samarqandda “Lochin”ni qabul qilib, g'alaba qozondi.
Dastlab 42-daqiqada Sanjar Qodirqulov jarima to'pidan so'ng hisobni ochdi. Oradan ikki daqiqa o'tib, Qodirqulov o'yindagi dublini rasmiylashtirdi, - 2:0. 73-daqiqada “Lochin” a'zosi Suhrob Tashkentboev oradagi farqni qisqartirgan bo'lsa, 86-daqiqada Mirjahon Mirahmadov samarqandliklarning uchinchi goliga mualliflik qildi.
Shuningdek, 57-daqiqada mehmonlar himoyachisi maydondan chetlatildi. 77-daqiqada esa penaltidan foydalana olmadi.
O'zbekiston Kubogi. 1-tur
“Dinamo” 3:1 “Lochin”
Gollar: Sanjar Qodirqulov, 42 (1:0), Sanjar Qodirqulov, 44 (2:0), Suhrob Tashkentboev, 73 (2:1), Mirjahon Mirahmadov, 86 (3:1)
Chetlatish: Olimjon Karimov, 57 (Lochin, ikkinchi sariq)
Noaniq penalti: Asliddin Tursunpo'latov, 77 (Lochin)
