«Navbahor» barcha qarzdorliklarni uzdi

So‘nggi paytlarda ijtimoiy tarmoqlarda “Navbahor” klubining futbolchilardan qarzdorligi borligi sababli, jamoadan 3 ochko olib tashlandi, degan xabarlar tarqaldi.

“Lochinlar” matbuot xizmati bu borada rasmiy munosabatini bildirdi.

“Haqiqatan ham klubimizning o‘yinchilar oldida qarzdorligi mavjud edi. Ammo ayni paytga kelib, qarzdorlik to‘liq bartaraf etildi.

Shuningdek, jamoamizdan 3 ochko olib tashlanganligi borasidagi ma’lumotlar asossiz va hech qanday xavotirga o‘rin yo‘q”, - deyiladi klub bayonotida.

Roziqjon Sultonmurodov

Jurnalist