\"Napoli\" Lukkaning transferini amalga oshirishga tayyor
Photo: Getty Images
“Udinese” hujumchisi Lorenzo Lukka faoliyatini “Napoli”da davom ettirishi mumkin. Bu haqda Football Italia xabar berdi.
Manbaga ko‘ra, keyingi hafta Neapol klubi 24 yoshli forvard transferi borasida “Udinese” bilan kelishuvga erishishni maqsad qilgan.
O‘z navbatida Udine klubi ham Lukka bo‘yicha yaxshi taklif bo‘lsa, ko‘rib chiqishga tayyor.
Futbolchi o‘tgan mavsumda klubning eng yaxshi to‘purari bo‘ldi. U 33 o‘yinda 12 ta gol va 1 ta assistni o‘z hisobiga yozdirgan. Shuningdek, Italiya kubogida 3 ta bahsda 2 ta gol urgan.
Roziqjon Sultonmurodov
Jurnalist