\"Наполи\" Луккани сотиб олишга тайёр
Фото: Getty Images
“Удинезе" ҳужумчиси Лоренцо Лукка фаолиятини “Наполи”да давом эттириши мумкин. Бу ҳақда Football Italia хабар берди.
Манбага кўра, кейинги ҳафта Неапол клуби 24 ёшли форвард трансфери борасида “Удинезе” билан келишувга эришишни мақсад қилган.
Ўз навбатида Удине клуби ҳам Лукка бўйича яхши таклиф бўлса, кўриб чиқишга тайёр.
Футболчи ўтган мавсумда клубнинг энг яхши тўпурарига айланган. У 33 ўйинда 12 гол ва 1 ассистни ўз ҳисобига ёздириб қўйганди. Шунингдек, Италия кубогида 3 та баҳсда 2 та гол урган.
Розикжон Султонмуродов
Журналист