Martines JCH-2026da Feliksni Ronaldu bilan juftlikda maydonga tushirishni rejalashtirmoqda — Record

Feliks Kongo bilan o‘yinda zaxirada qoldi va maydonga tushmadi.

Futbol Bugun da 07:21

Roziqjon Sultonmurodov

Jurnalist

Portugaliya terma jamoasi bosh murabbiyi Roberto Martines O‘zbekiston ga qarshi navbatdagi o‘yin oldidan jamoaning hujum chizig‘idagi taktik o‘zgarish variantlarini o‘rganmoqda, deb xabar beradi Record.

Murabbiylar shtabi Kongo DR terma jamoasi bilan o‘yindan so‘ng oldingi chiziqdagi futbolchilar o‘zaro uyg‘unligini yangilashni rejalashtirmoqda.

Ispaniyalik mutaxassis hujumchi Joau Feliksni ilk daqiqalardan maydonga tushirish imkoniyatini ko‘rib chiqmoqda. Taxminlarga ko‘ra, futbolchi Portugaliya terma jamoasi sardori Krishtianu Ronaldu bilan birga asosiy tarkibda maydonga tushadi. Kongo DRga qarshi ilk o‘yinda (1:1) Feliks zaxira o‘rindiqda qolgan va maydonga tushmagan edi.

Portugaliya terma jamoasi o‘zining navbatdagi uchrashuvini 23-iyun kuni O‘zbekiston terma jamoasiga qarshi o‘tkazadi.