Luka Jovich “Milan”ni tark etadi
Photo: Getty Images
“Milan” hujumchisi Luka Jovich yozgi transfer oynasida klubni tark etadi, deya xabar bermoqda Nikolo Skira.
Qayd etilishicha, 27 yoshli futbolchining “Milan” bilan shartnomasi iyun oyining oxirida yakunlanadi. U jamoani erkin agent sifatida tark etishga tayyor.
Jovich 2023 yil sentyabr oyida “rossonerilar” futbolchisiga aylangandi. Yakunlangan mavsumda hujumchi Italiya chempionatida 15 ta o‘yinda qatnashib, 2 ta gol urdi. Transfermarkt portalining ma’lumotlariga ko‘ra, Lukaning transfer narxi 2,5 million yevroga teng.
Roziqjon Sultonmurodov
Jurnalist
