Levandovski faoliyatini Turkiyada davom ettirishi mumkin

Kataloniyaning «Barselona» klubi mavsum yakunida shartnomasi tugaydigan polshalik hujumchi Robert Levandovski bilan yangi bitim imzolamaslikka qaror qildi. Bu haqda Fanatik nashri xabar bermoqda.

Manbaga koʻra, 37 yoshli forvardga «Fenerbahche» qiziqish bildirmoqda va unga yaxshi moliyaviy shartlarni taklif qilishga tayyor.

Shuningdek, Levandovskiga Saudiya Arabistoni klublari ham qiziqish bildirmoqda, biroq futbolchining oʻzi hozircha ushbu mamlakatda faoliyatini davom ettirish istagida emas.

Ma'lumot uchun, polshalik hujumchi joriy mavsum barcha turnirlarda 9 ta oʻyinda maydonga tushib, 4 ta golga mualliflik qildi. Uning Transfermarkt'dagi narxi 10 million yevroga baholanmoqda.

Nasrullo Karimov

Jurnalist