Lamin Yamal “Barselona”da klub rekordini o'rnatdi
“Barselona”ning 17 yoshli vingeri Lamin Yamal kataloniyaliklar safida 100-o'yinini o'tkazdi.
“Ko'k-anorranglilar” Chempionlar Ligasi yarim finalining dastlabki o'yinida “Inter”ga qarshi bahs olib borib, 3:3 hisobida jangovor durangga imzo chekishdi.
Shu tariqa, Yamal “Barselona” tarkibida 100 ta o'yin o'tkazgan eng yosh futbolchiga aylandi. U bu natijaga 17 yoshu 291 kunligida erishdi.
Avvalroq bu rekord Gaviga tegishli edi. Ispaniyalik futbolchi o'zining 100-o'yinini 19 yoshu 30 kunligida o'tkazgan edi. Reytingning uchinchi pog'onasini esa 19 yoshu 85 kunlik bilan Boyan Krkich egallab turibdi.
Eslatib o'tamiz, Yamal 2023-yilning aprel oyida “Barselona” safida debyut qilgandi. U 100 ta o'yinda jami 22 ta gol urdi va 33 ta golli uzatmani amalga oshirdi.
Ma'lumot uchun, ispaniyalik iqtidor joriy mavsum barcha turnirlarda 49 ta o'yinda maydonga tushib, 15 ta gol urdi va 24 ta golli uzatmani amalga oshirdi. Uning Transfermarkt'dagi narxi 180 million yevroga baholanmoqda.
Aloqador jamoalar va ligalar
Futbol
Bugun da 19:39
Futbol
Bugun da 17:59