Kubarsi JCH-2026da paslar aniqligi bo'yicha yetakchiga aylandi
Ispaniya terma jamoasining 19 yoshli himoyachisi Pau Kubarsi Jahon chempionati – 2026 guruh bosqichida paslar aniqligi bo‘yicha ajoyib natijalarni namoyish etmoqda.
Sofa Score ma’lumotlariga ko‘ra, Kubarsining Saudiya Arabistoniga (4:0) qarshi o‘yinidagi paslari aniqligi 99 foizni tashkil etdi. Futbolchi 99 ta urinishdan 98 ta aniq pas berdi. Futbolchi uchrashuvning barcha 90 daqiqasini o‘ynadi.
Avvalroq, Kabo-Verde terma jamoasiga qarshi o‘yinda futbolchi 109 ta pasdan 107 tasini aniq amalga oshirgan edi.
Shunday qilib, ispan himoyachisining JCH-2026dagi dastlabki ikki o‘yinidagi paslar aniqligi 98,55 foizni tashkil etmoqda, bu joriy turnirda kamida 50 ta pas bergan barcha futbolchilar orasidagi ayni damdagi eng yuqori ko‘rsatkichdir.
JCH-2026 guruh bosqichining 3-turida Ispaniya terma jamoasi 27 iyun kuni Urugvay bilan uchrashadi.
