Кубарси ЖЧ-2026да паслар аниқлиги бўйича етакчига айланди
Испания терма жамоасининг 19 ёшли ҳимоячиси Пау Кубарси Жаҳон чемпионати – 2026 гуруҳ босқичида паслар аниқлиги бўйича ажойиб кўрсаткичларни намойиш этмоқда.
Sofa Score маълумотларига кўра, Кубарсининг Саудия Арабистонига (4:0) қарши ўйиндаги паслари аниқлиги 99 фоизни ташкил этди. Футболчи 99 та уринишдан 98 та аниқ пас берди. Футболчи учрашувнинг барча 90 дақиқасини ўйнади.
Аввалроқ, Кабо-Верде терма жамоасига қарши ўйинда футболчи 109 та пасдан 107 тасини аниқ амалга оширган эди.
Шундай қилиб, испаниялик ҳимоячининг ЖЧ-2026даги дастлабки икки ўйинида паслар аниқлиги 98,55 фоизни ташкил этмоқда, бу жорий турнирда камида 50 та пас берган барча футболчилар орасидаги айни дамдаги энг юқори кўрсаткичдир.
ЖЧ-2026 гуруҳ босқичининг 3-турида Испания терма жамоаси 27 июнь куни Уругвай билан учрашади.
