Krishtianu Ronaldu “An-Nassr” bilan muzokaralarni to'xtatib qo'ydi

Futbol 10 may 2025 da 12:58

Nasrullo Karimov

Jurnalist

Portugaliya terma jamoasi hujumchisi Krishtianu Ronaldu “An-Nassr” bilan yangi shartnoma bo'yicha muzokaralarni to'xtatib qo'ydi. Bu haqda Marca nashri xabar bermoqda.

Manbaga ko'ra, Ronalduning bu qarorga kelishiga “An-Nassr”ning so'nggi o'yinlardagi qoniqarsiz natijalar sabab qilib ko'rsatilmoqda.

“An-Nassr” yaqinda Osiyo Chempionlar Ligasi yarim finalida “Kavasaki Frontala”ga mag'lub bo'lgandi. Oradan ko'p vaqt o'tmay “Al-Ittihod”ga 3:2 hisobida imkoniyatni boy berib qo'ydi.

Ma'lumot uchun, hozirda “An-Nassr” Saudiya Pro-ligasi turnir jadvalida 4-o'ringa tushib ketdi va Osiyo Chempionlar Ligasidan quruq qolishi ehtimoli bor. 40 yoshli Ronalduning esa riyodliklar bilan tuzgan amaldagi shartnomasi bir yarim oydan so'ng yakuniga yetadi.