“Komo” Alvaro Morata bilan muzokaralar olib bormoqda
FOTO: Getty Images
Ispaniya terma jamoasi hujumchisi Alvaro Morata Italiyaning “Komo” klubi bilan muzokaralar olib bormoqda. Bu haqda insayder Fabritsio Romano xabar berdi.
“Komo” Morataga rasmiy taklif yubordi, hozirda muzokaralar davom etmoqda. Morata “Galatasaroy”ni tark etdi va “Milan”da qolmaydi. Hozirda tomonlar muzokaralar olib bormoqda”, - deyiladi xabarda.
Eslatib o'tamiz, Morata o'tgan mavsumning ikkinchi yarmini “Galatasaroy”da ijarada o'tkazdi. Bu davr ichida u barcha turnirlarda 12 ta o'yinda maydonga tushib, 6 ta gol urdi va bitta golli uzatmani amalga oshirdi.
Nasrullo Karimov
Jurnalist