Kolo Muani PSJ'ni tark etadi

Futbol 15 iyn 2025 da 03:31

Nasrullo Karimov

Журналист

Turinning “Yuventus” klubida ijara asosida o'ynayotgan 26 yoshli hujumchi Randal Kolo Muani yozgi transferlar vaqtida PSJ'ni butunlay tark etadi. Bu haqda jurnalist Fabris Xokins xabar bermoqda.

Manbaga ko'ra, fransiyalik futbolchi ijara muddati tugaganidan so'ng parijliklar safiga qaytmaydi. Shu bilan birga, PSJ hujumchiga “Yuventus” safida Klublar o'rtasidagi Jahon chempionatida ishtirok etishga ruxsat bergan.

Qayd etilishicha, Turin klubi forvardni saqlab qolishdan manfaatdor, biroq unga boshqa klublar ham qiziqish bildirmoqda.

Ma'lumot uchun, Kolo Muani o'tgan mavsum barcha turnirlarda 33 ta o'yinda maydonga tushib, 10 ta gol urdi va bitta golli uzatmani amalga oshirdi. Uning Transfermarkt'dagi narxi 30 million yevroga baholanmoqda.

Aloqador jamoalar va ligalar

Paris Saint-Germain

Juventus

Liga 1 Fransiya

Italiya A seriyasi