Коло Муани ПСЖни тарк этади
Футбол
Насрулло Каримов
Журналист
ФОТО: Getty Images
Туриннинг “Ювентус” клубида ижара асосида ўйнаётган 26 ёшли ҳужумчи Рандал Коло Муани ёзги трансферлар вақтида ПСЖни бутунлай тарк этади. Бу ҳақда журналист Фабрис Хокинс хабар бермоқда.
Манбага кўра, француз футболчиси ижара муддати тугаганидан сўнг парижликлар сафига қайтмайди. Шу билан бирга, ПСЖ ҳужумчига “Ювентус” сафида Клублар ўртасидаги Жаҳон чемпионатида иштирок этишга рухсат берган.
Қайд этилишича, Турин клуби форвардни сақлаб қолишдан манфаатдор, бироқ унга бошқа клублар ҳам қизиқиш билдирмоқда.
Маълумот учун, Коло Муани ўтган мавсум барча турнирларда 33 та ўйинда майдонга тушиб, 10 та гол урди ва битта голли узатмани амалга оширди. Унинг Transfermarkt’даги нархи 30 миллион еврога баҳоланмоқда.
