Kolo Muani «Arsenal»ga qarshi oʻyinda maydonga qaytishi mumkin
«Tottenhem» hujumchisi Randal Kolo Muani maxsus himoya niqobida mashg‘ulotlarni davom ettirmoqda. Klub uni shimoliy London derbisida — «Arsenal»ga qarshi bahsda maydonga qaytarish imkoniyatini ko‘rib chiqmoqda. Bu haqda Goal nashri xabar berdi.
Ma’lumki, fransiyalik futbolchi shu oy boshida «Manchester Yunayted»ga qarshi uchrashuvda Harri Maguayr bilan to‘qnashib ketgani oqibatida jag‘idan jarohat olgan edi. Kolo Muani operatsiyasiz tiklanishga muvaffaq bo‘ldi va endi qayta safga qo‘shilish uchun tayyorgarlik olib bormoqda.
Joriy mavsumda Kolo Muani «Tottenhem» safida barcha musobaqalar doirasida 8 o‘yinda maydonga tushib, bitta golli uzatma amalga oshirdi.
Fransiyalik futbolchining klub bilan amaldagi shartnomasi 2026 yilning yozigacha mo‘ljallangan. Transfermarkt ma’lumotlariga ko‘ra, Kolo Muanining bozor qiymati 30 million yevroni tashkil etadi.
